Tanzania katika Maonesho ya Kimataifa ya Sanaa ya Italia.

Hatimaye, Jamhuri ya Muungano wa Tanzania mwaka 2024, itashiriki kwa mara ya kwanza ikiwa na Banda lake kwenye Maonesho ya Kimataifa ya Sanaa ya Venice, nchini Italia. Maonesho hayo yatafanyika kuanzia tarehe 20 Aprili hadi tarehe 24 Novemba, 2024, mjini Venice, jimboni Veneto, nchini Italia.

Si jambo geni kwamba katika siku za hivi karibuni, harakati mbalimbali za kisanii nchini Tanzania zimekuwa mstari wa mbele katika kuibua upya vipaji vya vijana. Venice na maonesho ya kimataifa ya sanaa ya kila baada ya miaka miwili, kwa kuzingatia umakini mkubwa uliotolewa kwa Afrika katika Maonesho ya mwaka 2022, kwa hakika ni mwanzo kwa "upepo huu wa kisanii" unaovuma kutoka katika Bara la Afrika.

“Ni jambo la kufurahisha na kujivunia sana kwamba, kwa ushirikiano wa karibu na Wizara ya Utamaduni, Sanaa na Michezo ya Tanzania  na Ubalozi wa Italia uliopo jijini Dar es Salaam, tumefanikiwa kuwatambulisha wasanii wa Tanzania kwenye Kamati ya Uteuzi ya Venice Biennale, ambayo ilielewa kiini cha utamaduni wetu na kukubali maombi yetu, alieleza  Mheshimiwa Mahmoud Thabit Kombo, Balozi wa Jamhuri ya Muungano wa Tanzania nchini Italia. Kwa kupata nafasi ya banda kwenye Maonesho ya Kimataifa ya Venice mwaka 2024, tayari ni ushindi kwa sanaa ya taifa letu ikizingatiwa kuwa ni Maonesho maarufu duniani ambayo yataleta heshima kubwa na mwonekano wa kimataifa kwa nchi yetu."

Maonesho ya 60 ya Kimataifa ya Sanaa ya Venice mwaka 2024 yana kauli mbiu isemayo "Wageni kila Mahali". Kwa muktadha ambao kazi zitawekwa katika ulimwengu uliojaa migogoro mingi, inayoakisiwa katika sanaa ya kisasa ya Tanzania kupitia nyenzo kama vile rangi, hatua madhubuti katika matumizi yake, taswira, na nafsi. Vipengele hivi havitengani na historia au uzoefu lakini vinapata nguvu ya kujiepusha na maelezo na maumbo safi.

"Ushiriki wetu kama nchi katika Maonesho ya 60 ya Kimataifa ya Sanaa ya  Venice mwaka 2024, Dkt. Damas Daniel Ndumbaro (Mbunge), Waziri wa Utamaduni, Sanaa na Michezo wa Tanzania, alieleza kuwa ni ishara kwamba sanaa ya Tanzania inastahili heshima ya kimataifa na tuko hapa kuonesha hivyo. Natoa wito kwa wasanii wetu kuhakikisha wanatumia kikamilifu vipaji vyao kwani hii ni fursa kwao kujitangaza na kutafuta masoko ya kimataifa.

Serikali ya Tanzania chini ya uongozi wake Rais Dkt. Samia Suluhu Hassan, itaendelea kuunga mkono ushiriki wa wasanii wetu katika jukwaa hili muhimu sana ikiwa ni sehemu ya maendeleo na ukuaji wao ambao hatimaye utawasaidia kupenya katika soko la kimataifa".

Ushiriki wa Jamhuri ya Muungano wa Tanzania katika Maonesho ya Kimataifa ya Sanaa ya Venice mwaka 2024, ni hatua muhimu kwa tasnia ya sanaa ya bara hili na kutoa fursa ya kushiriki utamaduni na ubunifu wake na hadhira ya kimataifa.

Kwenye Maonesho ya 60 ya Kimataifa ya Sanaa ya Venice mwaka 2024,  wasanii watakaoiwakilisha Tanzania ni  wanne (4):

- Lutengano Mwakisopile (Lute): Alizaliwa tarehe 26 Julai, 1976, jijini Dar es Salaam, Tanzania. Ofisi yake ipo mtaa wa  Morogoro Store Oysterbay, jijini Dar es Salaam. Anaeleza mawazo yake kupitia vifaa mbalimbali kama vile penseli, makaa, rangi na brashi, turubai, karatasi, au michoro kwenye mbao. Ubunifu wake usio na mipaka unatokana na mawazo, kumbukumbu, uzoefu, matumaini, na matarajio.

- Happy Robert: Msanii wa picha aliyezaliwa tarehe 30 Aprili, 1989, huko Songea, mkoani Ruvuma. Kwa sasa anaishi na kufanya kazi jijini Dar es Salaam. Happy alifanya kazi kama Afisa Utawala katika taasisi mbili tofauti za binafsi kabla ya kuamua kufuata mapenzi yake ya sanaa na kuwa msanii huru kuanzia mwaka 2014.

- Naby: Mtaliano, mzaliwa wa Bologna, na ambaye, pamoja na wenzake wa Kitanzania, wanawakilisha vyema tasnia hii kupitia kazi yao ya kisanii iitwayo  "Vioo Vilivyogeuzwa". Anatumia vyombo vya habari na vifaa mbalimbali kama vile karatasi na michoro kuanzia usakinishaji mkubwa hadi kazi za ndani zaidi zinazochochewa na kuficha.

- Haji Chilonga: Alizaliwa mwaka 1969 huko wilayani Masasi, mkoani Mtwara uliopo kusini mashariki mwa Tanzania. Anatoka katika familia ya wahunzi upande wa baba yake na wafinyanzi upande wa mama yake. Kipaji cha Chilonga kiligunduliwa mapema, alipoingia shule ya msingi.

"Vioo Vilivyogeuzwa,", jina la kazi ya kisanii kwenye banda la Tanzania, hufanya kazi mbili: jozi mbili za kwanza za vioo zinaoneshana hadithi nne za vipindi vinne tofauti vya kihistoria, vilivyowasilishwa na wasanii wanne waliochaguliwa.

Msanii wa Zanzibar, Yahya Mzee Mwinyikombo, Mwenyekiti wa Jumuiya ya  Wafanyakazi za Mikono Zanzibar pia atakuwepo na kushiriki kwenye Maonesho ya Kimataifa ya Sanaa ya Venice mwaka 2024.