Mkuu wa Wilaya ya Kasulu azindua uandikishaji Daftari la serikali za mitaa .

Mkuu wa wilaya ya  Kasulu mkoani Kigoma Kanali Izack Mwakisu leo amezindua zoezi la uandikishaji  katika daftari la mpiga kura wa serikali za mitaa  na kuwasihi wananchi kujitokeza kujiandikisha

Akizindua zoezi hilo katika mtaa wa Boma Mkuu wa Wilaya  amesema kila mwananchi  anawajibu wa kujiandikisha kwa mujibu na taratibu za nchi  ili apate sifa ya kuchaguliwa au kumchagua kiongozi anayemtaka.

Amesisitiza kuwa kujiandikisha kunampa mwananchi fursa na haki ya kupiga kura katika uchaguzi wa serikali za mitaa unaotarajiwa kufanyika Novemba 27, 2024 mwaka huu .

"Naomba kila mwananchi afahamu kuwa kujiandikisha katika daftari hili ni muhimu sana kwasababu unapata  nafasi ya kuchagua kiongozi  sahihi na zoezi hili liko kikatiba"

Aidha  Kanali  Mwakisu amesema  TAMISEMI  wametenga vituo  225 vya  kujiandisha katika mji wa Kasulu  Hivyo wananchi wafike kutimiza haki yao ya kikatiba.

Mkuu wa Wilaya ya  Kasulu mji wa tano kutoka kushoto akiwa katika picha pamoja na Msimamizi mkuu wa Uchaguzi Halmashauri ya Kasulu mji Mwl.Vumilia Simbeye pamoja na wananchi wa mtaa wa Boma wakati wa uzinduzi wa zoezi la kujiandisha Daftari la serikali za Mitaa.  

Kwa upande wake msimamizi mkuu wa uchaguzi Halmasharu ya mji wa  Kasulu  Mwl.Vumilia Simbeye  amewashukuru  wananchi  kwa kujitokeza katika uzinduzi huo,huku akiwataka wajitokeze kujiandisha katika zoezi linaloanza leo mpaka tarehe 20.

"Awali ya yote niwapongeze wananchi wa Kasulu kujitokeza kushiriki uzinduzi  wa kujiandikisha kwenye daftari la kura la Serikali za mitaa, katiba yetu iko wazi na inamtaka kila mwanachi kushiriki kikamilifu"

Zoezi la Uzinduzi wa kujiandikisha kwenye daftri la mpiga  kura serikali za mitaa Kitaifa  limezinduliwa jijini Dodoma na   Rais wa Jamhuri  ya Muungano wa Tanzania Mhe:Samia Suluhu Hassan.

Mwandishi : Abel Mahenge 

Mhariri: Harieth Kamugisha