BINGWA mtetezi wa Ligi Kuu Tanzania Bara, Yanga leo inashuka dimba la New Amaan Complex, Zanzibar ikiwa mgeni wa Singida Black Stars katika mchezo pekee wa ligi hiyo.
Singida Black Stars inaongoza Ligi Kuu ikiwa na pointi 22 baada ya michezo 8 wakati Yanga ni ya pili ikiwa na pointi 21 baada ya mechi 7.
Kuelekea mchezo huo makocha wa Singida BS, Patrick Aussems na Miguel Gamondi wa Yanga wamesema haya:
“Tumefanya maandalizi ya kucheza na Yanga kama tunavyojiandaa kucheza na timu nyingine. Kesho(leo) utakuwa mchezo mzuri Yanga wana timu nzuri mimi pia nina timu nzuri na uwanja unaruhusu,”amesema Aussems.
Kocha Mkuu wa Singida Black Stars, Patrick Aussems
“Changamoto kubwa tunayokumbana nayo sio tu michezo mingi kwa wakati mfupi bali uchovu wa safari. Nina furaha kurejea tena hapa Zanzibar, kila Yanga inapokwenda huwa inategemea Ushindi, tupo hapa kwaajili ya Kushinda ingawa tunatambua Singida wana Kikosi kizuri na wamepata muda mrefu wa Kujiandaa,”amesema Gamondi.
Kocha Mkuu wa Singida Black Stars, Patrick Aussems
Singida Black Stars imeamua kutumia uwanja wa New Amaan Complex kama uwanja wake wa nyumbani kwenye mchezo dhidi ya Yanga badala ya CCM Liti mjini Singida.
Mwandishi :Abel Mahenge
Mhariri : Ellukagha Kyusa
0 Comments