Timu ya Yanga SC imefanikiwa kushika usukani wa Ligi Kuu Bara kwa kuifunga Singida Black Stars goli 1-0, goli lililofungwa kunako dakika ya 67 na Pacome Zouzoua kwenye Uwanja wa New Amaan Complex hapo jana Oct 30,2024.
Yanga imefikisha pointi 24 katika michezo 8, ikifuatiwa na Singida yenye alama 22 katika michezo 9 huku Simba ambayo imecheza mechi 8 ni ikishika nafasi ya 3 ikiwa na pointi 19.
Kutokana na matokeo
hayo, Yanga Sc imeendelea kuwa timu ambayo haijaruhusu nyavu zake kutikiswa Hadi
sasa ,huku Singida ikiwa inapoteza mchezo wa kwanza katika ligi hiyo msimu huu.
Mara baada ya mchezo huo kutamatika kwa dakika tisini mfungaji pekee wa goli la ushindi Paccome Zouzoua amepata tuzo ya mchezaji bora wa mchezo na kusema kuwa timu pinzani ilikuwa bora japo wamekutana na timu ya yanga yenye ubora zaidi yao.
"Hadi sasa Yanga Sc hatuna cha kuangalia zaidi ya kusonga mbele kutetea ubingwa wetu tulioupata msimu uliopita na kuweka nguvu kwenye mchezo wetu ujao dhidi ya Azam Fc".
Kocha msaidizi wa Singida Black Stars Denis Kitambi amesema wachezaji walifanya kile walicho agizwa na kocha japo walizidiwa mbinu na mpinzani jamboa ambalo limepelekea kupoteza mchezo huo.
"Katika dakika za kwanza hatukuanza vizuri tulipoteza nafasi nyingi na tumekubali presha tuliopewa na yanga na kupelekea kufungwa goli hilo moja na nikwasababu ni quality team."
Kocha mkuu wa Yanga Sc Miguel Gamondi amesema alitegemea mchezo wenye ushindani na walistahili matokeo walioyapata katika mchezo wao wajana.
"watu wasiseme tumeshuka kiwango wakati huo tunaweza kuvuna alama kwa kila mpinzani tunaekutana nae, Singida alikuwa bora lakini hajatuzuia kufanya tulilokusudia hapa Zanzibar."
Baaya ya mchezo huo yanga SC waterejea Dar es Salaam tayari kwa maandalizi ya mchezo dhidi ya Azam Fc Novemba 2,2024 katika dimba la Azam Comlex majira ya saa moja kamili jioni.
0 Comments