Banki Kuu Tawi la Mwanza lawajengea uwezo wa uchumi wa fedha waandishi wa habari.

 

Waandishi wa habari toka Mikoa sita yaKanda ya Ziwa wamejengewa uwezo na Banki Kuu Tawi la Mwanza ili waweze kuandika habari za uchumi na fedha kikamilifu.

Mkurugenzi wa Tawi la Banki Kuu Kanda ya Ziwa Bi Gloria Mwaikambo wakati wa kufungua mafunzo hayo ya siku mbili alisema kuwa, mafunzo hayo yanalenga kujenga uelewa Kwa kundi la waandishi wa habari ili waweze kuandika habari za uchumi na fedha Kwa weledi zaidi.

Pia Bi Mwaikambo aliongeza kuwa mafunzo hayo pia yatawaleta waandishi karibu na Benki kuu ili waweze kuelewa zaidi shughuli za Benki kuu.

 Katika mafunzo haya ya siku mbili mtapitishwa kwenye kujua muundo na majukumu ya Benki kuu, umuhimu wa Benki Kuu kuwa na dhahabu kama sehemu ya akiba, utekelezaji na sheria na kanuni za huduma ndogo za fedha na mada nyingine mbalimbali" alisema Bi Mwaikambo.

Pia aliongeza kuwa mafunzo hayo yameshafanywa kwenye matawi mbalimbali ya Benki kuu na sasa ni zamu ya Mikoa ya Kanda ya Ziwa.

waandishi wa habari wakiwa katika mafunzo yanayotolewa na Benk kuu tawi la Mwanza ili kuandika habari za uchumi na fedha.

Nanye Mwenyekiti wa mafunzo hayo Bwana Edwin Soko aliishikuru Benki kuu kuleta mafunzo hayo Kwa kuwa yatakwenda kuwafanya waandishi hao kuandika habari za uchumi na fedha Kwa weledi.

Pia Soko aliwataka washiriki wa mafunzo hayo kuwa mabalozi wazuri wa kuandika habari za Benki kuu Kwa weledi.

Mafunzo hayo yamejumuisha idadi ya waandishi wa habari arobaini toka Mikoa ya Mwanza, Simiyu, Geita, Kagera, Simiyu na Shinyanga.Mafunzo hayo yamefanyika kwenye ukumbi wa mkutano wa Benki kuu Tawi la Mwanza, Jijini Mwanza.

Mwandishi:Ellukagha Kyusa.

Muhariri: Prosper Kwigize.