Watu nane wa jaribio la utekaji jijini Dar es salaam wakamatwa.

Jashi la Polisi Kanda maalum ya Dar es saalam limesema kuwa linawashikilia watu nane wanaotuhumiwa kwa zoezi la utekaji wa Ndg. Deugratius Tarimo Mkazi wa Kibaha Mailmoja Mkoani Pwani.

Kwa mujibu wa Taarifa iliyotolewa na jeshi Kanda Maalum ya Dar es salaam leo imemnukuu Kamanda Jumanne Muliro kuwa Jeshi la Polisi limewakamata watuhumiwa nane wa tukio la utekaji wa Ndg. Deogratius Tarimo katika eneo Kiluvya jijini Dar es salaam.

Kamanda Muliro, ameongeza kuwa watu hao wamekamatwa kwa nyakati tofauti tofauti, huku gari aina ya Toyota Raum ambayo ilitumiwa wakati wa utekaji imekamatwa ikiwa na namba ambazo si halisi T 237 EGE na baada ya ufuatiliaji imebainika kuwa namba halisi ya gari hiyo ni T237 ECF.